my last relationship part 2

بعد البروكن آب , تميت اسويله طآف و أتهرب منه ومابي اشوفه وأبي أنساه ومابي احن له و كل شي أنتهى .

بديت أتجاهله و من أشوفه أوخر عنه بعيد , ويات اجازة الصيف ورجعت البلاد وحاولت اشغل نفسي بأشياء كثيره عشان انسى وألهى واشغل نفسي , استانست في الاجازه و من رجعت شالي شنط السفر من ايدي وشفته وكان مستانس علي وبرجعتي .. ولاقاني بابتسامه عريضه وقالي متى رجعت وقلت له توني راجع وكاهي الشنط بيدي ماتشوف .. قال لا انا كنت اترياك من جم يوم , وقلت له اها اوكي ..وبعدين الآخ كان يبي يلمني و لميته وحضنته ببرود .. وكنت اقول بخاطري " اوه تبي تحضني اوكي " ...اليوم الثاني على طول كان عندي مدرسه وشفته هناك وكان يعطيني نظرات ان معجب وان من اشوفه يتوتر ويسوي حركات المراهقين ..وتم يحاول يتقرب مني ويدور له أي سبب ويصنع الصدف فكنت ابي ارده ونفس الوقت مابيه وابي ابتعد عنه , بس نفس الوقت بعد عاجبني انه يبيني ..في نفس الوقت بدآ يقولي نطلع .. وكنت انه اتهرب منه حتى لو طلبو الشباب يطول اقولهم مابي ... وكانو يضغطون علي عشان اطلع معاهم فاذا نطلع يسوي فلم هندي في المطعم " النظرات ويسوي أي شي حتى جدام الشباب كان مايهتم وماخذ راحته ".

انه بديت اتقرب منه هالفتره وكسرت الحاجز اللي بيني وبينه , بديت وايد ايلس معاه ونطلع , تقريبا لمدة شهر , في اشيا كثيره صارت حركات منه ونركب في القطار .. وانه ماسك الحديده بالقطار كان متسند عليها وشوي يتقرب اكثر وكأنه لامني وشوي ويكون على صدري ..وانه كنت ابي اشيلها بس بصراحه عاجبني الوضع نفس الوقت .. كنت ادق على منامي واقولها تشوفين هو اللي يبي يتقرب

وهي تقول لا عادي زحمه ...انت تتخيل المواضيع , كلما يسوي حركه اهوا يقول حق منامي ان انه اللي اتقرب بس يرجع يقول احنا مجرد أصدقاء , الايام كانت بينا طويله ..مليون شي يجمعنا مع بعض طلعاتنا مع الشباب .. والاماكن حتى لو ارفض اطلع مع الشباب يروح يضغط عليهم يضغطون علي...

كنت اقول حق منامي بسأله لأن ماقدر اتم معاه بهذي الطريقه كاصدقاء , قالت لي اساله وكنت متردد وايد وتسألني سألته اقول لا ..

ماصادف اشوفه ..ماتلاقينا..

كنت متردد وايد وسرت له الغرفه وقلت له بكلمك في موضوع و قالي شنو هالموضوع , قلت له خلاص مب شي مهم ..فتميت خمس دقايق وقلت له اوكي بس الموضوع يتم بيني وبينك ولا ابي احد من الشباب يعرف عنه , قال الموضوع خاص فيك ..قلت له تقريبا فقررت اني اساله , فسألته ..مثل مانصحتني منامي..فقلت له انت تعرف ان عندي مشاعر تجاهك , فردت فعله عادي وضحك ...قالي مشاعر شلون ..قلت له يعني احبك ..قالي والله زين ..وانا بعد أحبكم كلكم.. فقلت شنو تقصد بأحبكم كلكم ..قالي أي نوع من الحب تقصد ..يعني تحبني مثل ربع ماعندي مشكله عادي .. ولا تحبني عشان الـSEX قلت له جب انه مابي سكس .. قلت له انت ماتعرف العلاقه بين الـGUYS عيل ليش كل هالحركات تسويها ..فقالي لا انا اعتبرك صديقي..قلت أي نوع من الصداقه .. قال لا انه ماقصد شي قلت له عيل شو اللي بينا كل هالفتره انت صديق مقرب وايد ..مثل عبدولي وعبود .. يعني تسوي وياهم هالحركات ..قالي انا شو سويت ..ماسويت شي.. هو كان متحمس وايد عن موضوع السكس بعدين يوم شاف ان هالشي مستحيل يصير 100% قال انت بس صديق مقرب ..

قالي انا ماكنت اقصد سوري ..تم يتكلم في الموضوع وايد وكان ردي اسمع له واقوله اوكي على كل شي ..

فآخر شي قالي سوري اذا كل اللي بينا ..خلانا نحس ان احنا في حب ..قلت له قول خلاني انا اعيش في حب ..قالي سوري ان احنا اصدقاء ..فانفجرت ..وقلت له خلصت كلامك قال ايه ..قلت له أي نوع من الصداقه اللي تنجذب لرفيقك لهالدرجه..

قلت له أي نوع من الصداقه اللي تغار عليه وتحاسبه ..اي نوع من الصداقه اللي لازم يبوسك قبل ماترقد ..اي نوع من الصداقه اللي تتغزل فيه وتتلصق فيه لهالدرجه وتبي تكون في حضنه وتسويله حركات وتحب تكون معاي بروحنا ..اي نوع من الصداقه اللي تحس بتوتر يوم تكون معاي ..قلت خلاص الغلط مومنك مني انا اللي عاطنك سالفه ..قال أي بنكون اصدقاء ..قلت له بتسويلي نفس الحركات وبتقول احنا فرند ..لا ماقدر .. قال سوري اذا انه جرحتك ..قلت ليش؟! انت كنت معاي عشان تجرحني كنت تحبني عشان تجرحني انت تركتني مثلا عشان تجرحني ...

طلعت من الغرفه وكنت ابي انهار بصراحه ., و سرت كالعاده وكلمت تركواز عشان كان يتريا يعرف شو بيصير , وكنت في حاله نفسيه زفت , كنت ماشتهي اكل شي واذا اكل شي ارجعه على طول حتى ضعفت شوي .. وكانت منامي تيي وتييب لي اكل وكولا لان تدري احب الكولا وتقول كلنا وياك ..حاولت اغير جو والشباب قالو بيطلعون منطقه ثانيه تبعد 40 دقيقه ,. وانا ماكنت احب اسير هالمنطقه لان فيه الولد مواليد القوس اللي كان يحبني , بس سرت عشان اغير جو و احاول ارقد بس مب قادر ما اييني النوم , وقمت اتكلم مع منامي ..بالتلفون كل هذا ويقول فرند ..وبعدين معاه !! هذي ثاني مره وتقولي خلاص خله .. قلت لها اكيد ماراح ارجعله انه هالمره وضحت له ..ويا منامي كله منج انتي قربتينا لبعض وزرعتي الفكره فينا , قالت مني انا ... انه ماسويت شي ..قلت لها لا كله منج انتي نسيت دراستي , ونسيت حضوري وكل تغير فيها انتو من دخلتو حياتي اصلا تغيرت ومو فاهم شيصير فيها ..

قالت انه جم مره ..كلمتك عن الدراسه ..فقلت لها انه بمشي وسكرت عنها وشلت الايبود, وتميت اسمع اغاني واغير جو و امشي بالشوارع نص الليل ..صادف بعدها اجازه ..فرجعت في الاجازه وخلاص كنت ابي ارجع عادي ..في هذي الفتره ..ربيعي الهولندي كان يكلمني وايد و دايما يقولي مافيه منك .. وانه اول شخص اللي احس تجاهه هالشعور و كنت اقوله لا لا .. طول هالثلاث السنين ,, وبعدين قلت له اوكي ..انه قبلت كبوي فرند .. ماتخاف ان احنا بعيد ..قلت له اوكي انه بييك كل اجازه .. وكنت كله معاه عالانترنت ..وانا بصراحه هذا الانسان صج حبيته ..مرت الايام ومنامي ردت من سفره طويله حول العالم ومن بينها دبي اللي تلاقينا فيها وانا طبعا ماقصرت وياها وكانت ضيفتي بدبي ..فعقب ردت هي بعد شهر , اتذكر وقتها اقولها ان في علاقه مع بنت ... سألت عن الاسم فقلت لها الاسم ..فقالت صج هالكثر تحبها ماخذ قلاص عليه حرفها .. بدآ حمود يموت قهر يوم قالتله وهي ماتخبي عليه شي ..

طبعا مع الوقت حسيت ان فيه تلاعب في موضوع حمود ومنامي ..وفيه جذب يصير انا انعزلت عنه وعشت حياتي ..

كملت ويا ماي بوي فرند .. جتني فتره فيه مشاكل عاديه تعديتها بس فجأه مرضت ..مرض غريب " حساسيه ويتقطع جسمي ويتحفر وماكنت اعرف شسالفه وكنت اتعذب وايد ..

فقلت خلاص احس آي بروكن آب وياه ..عشان ماعذبه وياي في المرض ..فقالي انا شو سويت ..انه ادري اني مقصر معاك بس مابي نتفارق ..قلت له انت وايد مهمل انه ماقدر اكون معاك ..قال انت وعدتني نكون مع بعض في كل الشي الحلوه والمره ..

قالي ..ليش تبي نتفارق ..قلت له حتى تبي تصلح شي ..ماقدر اكون معاك ..قال ليش كل هذا بعد ماخليتني احبك واتعلق فيك..قلت له انه سوري لازم نتفارق ..قال بحذفك ..قلت له براحتك ..قال ماقدر اشوفك اونلاين وماكلمك..ويوم احس اني اقدر اكون صديق برجع لك..

وبعدها تميت يومين اعاني ..واصلا في هالوقت انه محتاج حبيبي اكثر..يمكن يومين بديت اصيح وشلون بعيش من غيره...

وتميت اعاني وايد وانشغلت في موضوع مرضي..وبكمل لكم باقي القصه في بــارت 3 .. واللي اهوا الحلقه الآخيره..