my last relationship part 3 (( al a5ir ))

بعد البروكن آب , مع ماي بوي فرند الهولندي بسبب المرض .. بديت أعاني وايد من المرض .. بدا

جسمي كله يحرقني و يحجني يتقطع وكله دم وكله تعبان !! .. أبغي ارقد وارتاح بس مب قادر أرقد ساعتين .. أشتهيت النوم وعرفت قيمته .. كنت إذا ارقد انش من النوم واصارخ قبل ما افتح من الألم .. من الألم ما اقدر اتحرك وانهار .. ما اعرف شو إلي جاسني فجأه من غير أي اسباب معروفه .. بدت عندي عوارض ثانيه .. بديت ما اقدر امشي عدل .. بدا ظهري ينحني وصرت أمشي بطيء مثل كبار السن .. طبعا منامي ما قصرت معاي ودتني كل المستشفيات أعاني انش بالليل ومنهار ما أقدر اداوم .. جسمي دايما يحرقني وبدا جسمي كله يتحفر وبقع زرقه وحالتي حاله ..

قلت لأهلي أبا أرد البلاد ابا اتعالج ولو بالويكند .. وقالوا لي أوكي عادي تعال تعالج هني وهالكلام كان في شهر عشره ..

في الطياره بغيت اموت .. ما عرفت كيف وصلت البلاد .. من وصلت البلاد أنا منهار دخلت بيتنا اشوف نفسي ما اعرف بيتنا واقول هذا مب بيتنا .. مشوش 24 ساعه !! أحس انه طول هالفتره أنا في حلم في وهم .. مب فاهم شو إلي يصير .. يالس ارجف وامشي واقول حق يدوتي .. يدووه أنا صرت أمشي ابطىء منج .. تمت تضحك علي .. وبهالسن انا امشي بهالطريقه .. طبعا في حرمه كانت عندنا في البيت .. قالت تعال بقرا عليك وقالت لي كذا كذا كذا صار وكل شي واقعي انا اعرفه .. وكانت تقولي في واحد ورا كل المشاكل إلي أنت تصير لك .. يحرض الشباب عليك .. مسوي قروب كبير كبير اعداء حقك .. وأنت عندك وايد اعداء .. وكلهم هدفهم تدميرك .. قالت لي هذا يولعهم ويلعبها من تحت لتحت لكن سبحان الله ربنا كاشفنا .. جان أقولها محد إلا واحد .. قالت لي شكله ويه طويل وكشته عوده وتمت توصف كل شي .. وانا كنت عارف هالشي يعني طااف ..

سرت بيت أختي العوده .. يوم دخلت الكل انصدم من دخلتي !! أمشي وانا ارجف .. يقولون لي شو فيك .. وانا مشوش .. كنت اقولهم مادري مرض متعبني .. يقولون لي لا انت مش طبيعي .. شو مسوين فيك ؟؟ حد مضايقك ؟؟ نفسيتك مول تعبانه .. تموا يقولون لي شو تحس وشافوا ريلي والعلامات والحفر .. زاغوا وانصعقوا وجسمي يتقطع كله يطلع دم وإذا ما طلع الدم يطفح تحت الجلد .. وكانت عندي وايد مشاكل جلديه .. اتذكر اختيه كانت تداويني عيدين وكريمات وجي .. وهاي يمكن اول مره في البيت ألبس أندر وير وما اكون في غرفتي الخاصه .. وانا مادري عن عمري يالسين يداوني .. واني اصلا مستحيل اكون لابس اندروير وقدام اخواتي وامشي في البيت .. وكانت تقولي خل عنك العيب وهالكلام انت مريض ولازم نعالجك فخل عنك العيب ..

وأختي الثانيه كانت تقرا علي .. صرت ارجف ارجف وارجف بشكل فضيع !! أنه كلما تقرا أنا ارجف وارجف اكثر ومن كثر ما ارجف احس اني بنقز وبطير .. اليوم الثاني تميت اسير المستشفيات طبعا ما كان ويكند بس لأنه حالتي كانت وايد تعبانه .. كنت عاني انش بالليل اصارخ .. اتعب ماقدر ارقد .. انهار اصيح ماقدر خلاص تعبت !! وخواتي يوو كلموني وقالوا لي شو مضايقنك هناك وتموا يضغطون علي وسألوني منو مضايق فيك فقلت لهم مافي إلا واحد مضايقني إلا العبدولي !!

فقالوا لي عطنا رقمه .. وشرشحوا فيه وايد وهددوه بسجن وامور كبيره وأنه محد يقدر يطلع اصلا .. ومن كلام القوي .. يوم قالوا لي أنت شو فيك .. قلتلهم انا ربيعتي اتسوي لي سحر بس ماصدقوني في البدايه .. سألوني كم سؤال يعني قلتلهم مره كلت من عندها ودايما اتيب لي اكل وتبيني أكله .. وكنت اقولها توني متعشي وما باكله الحين .. فباكله بعدين .. واتيي تشيك تقولي كلت الاكل ؟؟ . أقولها هيه ! تقولي عطني صحن .. كنت اقولها ما كلت إلا نص اعق الاكل اعطيج ياه ؟ قالت لا كمله وعقب عطني ياه .. وطبعا هالصحن ما يسوى حتى دولار واحد يعني مب من غلاته عشان تبا تاخذه ولين يومكم عندي هالصحن مع الاكل في الثلاجه !!

بعدها أهلي قالوا لي رد .. قلتهم ابا حد يقرا علي وفجوا عني السحر .. قالوا لي لا تأمن بهالسوالف روح مستشفيات وجي كل شي اتعالج فيه يحرقني يذبحني .. اي شي للعلاج يعذبني وكل الادويات من برع ودول ثانيه ما تفيدني .. وبعدين دكتوري قالي أنه الحفر بإيديك يبتدي ياكل الجلد .. وبعدها اللحم ويوصل للعظام .. ان وصل يسبب لك غرغرينه ومافي علاج إلا بتر الريول .. تعبت نفسيا .. انهرت .. يوم كنت اسير البحر .. وكنت اتحسن مع البحر .. مش انه ماي الملح مفيد للجلد .. لأنه الجن ما يحب الملح .. بعدها من تحست وريلي اوكي وكل شي .. أخوي قالي بيب لك وحده تقرا عليك .. بس أهلي جذبوا جذبه وصدقوها يقولون ها ما يبا يكمل دراسته بس عسبت واحد يتضايق ويسوي هالسوالف .. وكنت اقولهم انا اقوى عن هالسوالف مب عشان ما اكمل بس أنا تعبان ومحتاج ارتاح .. قالوا لي لا كمل الكورس .. فأنا سكت وما بغيت اسوي مشاكل لأني روحي تعبان ومريض أصلا ..

سرت اداوم في المدرسه .. وانا اتعذب ما اقدر امشي .. دايماً احس بالحر .. شتى وانا لابس شورت .. وأحس بالحر !! من كثر ما يحرق .. والانسان يوم صبعه يحرقه ما يقدر ينام .. أنا جسمي كامل كأنه حرق من درجه أولى .. وانا في الصف مشوش مب مركز في أي درس .. كتبت هالشعر في تاريخ 8 – ديسمبر -2010 .. عنوان القصيده معاناتي ..

ل جيت أشكي عن حالي .. لشخص يسمع معاناتي

ثلاث اشهر وانا اعاني .. من الألم وشده اتعابي

تمر الايام وانا بحالي .. وانتظر شخص يسأل عن اخباري

يضيق الوقت ولا أني داري .. عن يوم ارتاح من آهاتي

مستعد أدفع كل مالي .. واستغنى عن كل حلالي

ليوم ارتاح من عذابي .. وارجع مثل قبل عادي

العب واضحك ولا احاتي .. شي يشغل لي بالي

بعدها رديت الامارات اجازه الشتى .. تميت متعذب طول هالاجازه .. استخدم دوا يخليني في الغرفه قافل على عمري ساعه وانا اصارخ وانهار .. على اساس انه يقولون لي كلما يعورك يذبح المرض ف مفيد .. يوم ادخل في الماي وملح صبعي ما اروم ادخله .. احس بحرق بموت .. فما اعرفت شو اسوي .. كله يالس في البيت .. اجازتي ما استانست فيها ولا عرفت شو اسوي فيها .. في هاي الفتره بدوا اهلي يقولون هذا مش طبيعي .. وسرت عند مطاوعه كانوا يقولون لي مسوين لك سحر اسود سوري ما نقدر نفتحلك ياه .. اسير عند غيرهم وجي ما يقدرون يفتحون لي ياه .. قبل ما اسافر بيوم .. يابوا لي مطوعه قرت علي وقالت لي هي مأكلتنك شي .. قلتلها هي صح .. قالت لي بس إلي مسوي فيك كل هالبلاوي مسويه لك هالسحر من عرقك انت .. وقلتلها فعلا هي سرقت جاكيتي وراحت عند محمد وتميت وياه 4 ساعات وردت لي الجاكيت .. قالت لي بس كل إلي يسونه دراما يعني يبغون يطيرونك من اليابان .. لا تثق فيهم .. قلت لها ادري يغارون مني وايد .. قالت لي لا تعطيهم سالفه وغرفتك محد يدشها مول ..

عطتني اشياء اسويها ادخن فيها ومن هالسوالف .. وماي مقري عليه واشربه وجي .. قالت لي هذا ما ينفج إلا بعد اسبوع لانه قوي وايد .. رجعت شهر واحد ورحت السكن .. شفت الماي مقطوع .. لانه طول هالفتره ما طلعت فيها وما دفعت الفواتير .. فقلت بسير الهوتيل يومين ل ما ادفع الفاتوره .. سرت هيلتون يلست في الغرفه .. ومن دخلتها ما قدرت اطلع منها .. والعلاج مب قادر اتعالجه لأني مب لاقي فحم .. اقول للشباب حد اييب لي فحم ابا فحم .. عندي شيشه أبا البق فحم .. ولا حياه لمن تنادي .. والله يهديكم فراش هيلتون ابيض .. كله صار لونه عنابي من الدم .. ><"

فلست طبعا ولاني تميت بالغرفه ما قدرت اطلع .. وكل شوي ايوني الغرفه يبوني ادفع .. وانا ماقدر انزل واخليهم ايوني لين غرفتي وكل شي يبونه لغرفتي .. يوم اطلع ارد احس نفسي متضايق .. بعدين طلعت ويبت فحم وكنت اشاور ربعي اقولهم هذا شرك وجي اسوي ولا ما اسوي .. بعدين قلت طزز لمتى اتعذب صار لي قريب 5 اشهر وكله اتعذب .. بديت اتعالج وانا في الهيلتون .. وطبعا ماروح المدرسه لاني ماقدر اروح .. واشوف مافي نتيجه لانه النتيجه ما تبين اصلا .. وبعده ما ينفج

بعد 8 ايام .. صرت بخير تحسنت وايد بديت اطلع وبديت جي .. طبعا انا الوقت إلي كنت اتعالج فيه والوقت إلي كنت اعاني فيه كان هذا يصادف الوقت إلي دخلت فيه البلوق لاني مع ما اعرف شو اسوي من الملل .. فكنت أسأل تركوز شو تسوي يقولي ف البلوق وفي البلوق .. ف قلت خلني ارجع للبلوق واكتب إلي بخاطري فيه .. واشارك ناس واتعرف على ناس جدد .. وهاذي قصتي مع الثلاثه الحمير العبدولي , محمد ومنامي

العبدولي انسان ما ينعطى ويه ,, كثر ما اكون وياه أوكي الحقد والغيره في قلبه يكرهني من اول يوم وصلت .. ودايما يقول للشباب هذا راعي فيراري .. وهي شايف نفسه عليكم راعي الفيراري .. .. أنسوا العبدولي لانه ما كان يهمني .. بس اقرب اثنين لي !! اشوف الغدر من الانسان إلي حبيته وعلى بالي كله إلي يصير بينا حب .. آخر شي تطلع خطه مدبره بينهم عشان يوم اتضايق ولا ماروح مدرسه اقول هذا من الحب .. مافي حب ييوم اتروح مدرسه توصل عند باب ترجع وما تبا تدرس .. هذا مب حب .. هذا سحر !!

مافي حب تدخل الكلاس وحصه وحده مب قادر ايلس .. شمعنا قبل ما اعرفهم كانت نسبت حظوري 100 % !؟ اشمعنا قبل ما يدشون بحياتي حظوري 100 % .. في شهر عشره يوم نزلت نسبه حظوري لاني كنت في بلاد اتعالج .. ف يا العبدولي يقولي أنه نسبه حظوري 100 % .. ف أقوله زين لك !! قالي مب انت الوحيد إلي نسبت حظورك ميه بالميه .. قلتله انت شو يخصك ونسبه حظورك جي وبعدين ؟؟

شوفوا الحقد بقلبه .. انا شهر 4 الوحيد نسبه حظوري ميه بالميه .. شهر 10 يذكرني بالموضوع !! .. يعني مبين الغيض الي فيه !! ولا اخذها من منامي إلي اخر انسان اتوقع يغدر فيا .. عمري ما توقعت انها ورا كل ها .. كنت اشك بس اقول مستحيل عمري ما توقعت إلي يحظني ويهديني يحفر لي .. عمري ما توقعت البنت إلي توديني مستشفيات وتخاف علي .. هي مسويه لي السحر !! وبسبتها المرض !! عمري ما توقعت البنت إلي تضاربني سير مدرسه وتكسر الدنيا انها تكون هي مسويه المواضيع هاي .. كانت تقص علي وتلعبها .. اذكر كنت بشهر عشره .. اتذكرت شي .. اتصلت فيها قلت أوووه آي مسس يوو .. قلتلها منامي اسمعيني ..

I called her she answer , she said " I miss you " and I replay Manami listen to me ... our friendship is over .. she said " over why ?! " I said : I never thought that you are the person who hurt me , you are the only person I trust come on !! she said : what are you talking about .. I said Manami you know what I'm talking about .. she said I have no idea what are you talking about .. I said what you did to me .. she said > I did nothing .. i said : you can lie to yourself but you can't lie to me .. so our friendship is over .. I don't want you to call me .. she said : I'm your friend and I'm going to apartemnt and I'm going to talk to the guys about the subject .. I said : wait wait wait ! you going to talk to the guys about the subject !! I never told you about the subject so how do you know the subject ? ... she didn't repaly and I said answer me ?

عقبها قالت انت تتبلى على الناس والعبدولي سويت له مشكله .. قلتلها انتي ما يخصج بالعبدولي وعقب تقول انت ظلمت الولد وهو صديق زين لك .. قلتلها منامي انتي مايخصج محد حطج محاميه ..

هاذي قصتي بدايه حب هدفها الانتقام .. دخلوا لي من الباب الوحيد إلي يقدرون يتمكنون مني فيه إلي هو قلبي .. لأنه بكل الطرق كنت ما اعطيهم سالفه .. صارت بينا ضاريب وانا في الضرابه مثل الثور الهائج إلي ما بيوقف إلا يوم يموت .. فما قدروا يدخلون علي إلا بباين .. بقلبي والسحر .. ومنامي ما كانت تقدر تدخل غرفتي وتسوي كل ها إلا إذا كانت قريبه من قلبي

انا اتصلت في برنامج د . فوز حلقه إلي انعرضت في 12\2\2011

فيديو الاول ابتدوا فيه من 13 دقيقه و 50 ثانيه .. عشان تسمعون مكالمتي ^^

fdit fwozyah ^^