طبعا انا انقطعت عن الكتابة بعد الزلزال
لاني كل ما ابا اكتب عن الموضوع اضايف .. و اقفل الصفحة
بعطيكم ملخص الزلزال ..
خوف .. مافس كهرباة الكل يوفر يعني ظلمة .. مافي ناس كلهم سافرو
يعني امشي بروحي في مدينة مهجورة .. مافيها سكان الى بصدفة بصدفة احصل
ظلام و خوفي ايني زلزال
و انا ما نمت 3 ايام و لا غفلت
ما ياني النوم من الخوف و احاتي كل ربعي
سبحان الله انا دوم الحنون الي يهدي المجموعة و يحسسهم بالامان
بس هل حد حسسني
وايد وايد يتعب الي يعطي من طاقتة للكل .. لان عددهم كبير
انا دايما جي و فخور بهذا الشي
ادري انس في وقت الشدة ما اترك احد .. لو عدوي
و ممكن من الاسباب الي يخلون معضم الناس الي تغار و تحسد
تتلوم و تطلب مسامحة مني
و كثير صارت معاي
طبعا انا كتبت تصرف السفارة معانا قبل .. مابا ارد اكتب
الموضوع الحين عن لورا
رقمي عندي من عرفت لورا
ضيعت رقمي الي معاي 8 سنين و ربيعتي
قبل الزلزال يت اليابان عشان فرع الثاني و امور شغل
و كنت ادري هروب من نيويورك و تبا تبدل جو
سبحان الله مادري شو يابها معنى قالت انا قبل ما اسير الامارات بسير اليابان اول
ياريتج ما ياتي
كان تقولي رشود انا احس اني ما بكمل في هاي الدنيا .. احس اني بموت و بتموت معاي ارواح
كنت اقولا شو البياخة بتسحبينهم مثلا عشان تموتون نفس اليوم
تقولي احس بموت بين مجموعة من ناس .. تقول احس اني مع ارواح بس ما احس اني بكون ميتة
تقول احس اني بكون بين الحياة و الموت
قلتلا لا تتفاولين و كنت ادري انها تعبانة نفسيا
و مسكينة دوم تطلع ياية .. كانت مونستني
لول كانت تقولي تعال نسير قاي بار عشان تحصلك واحد
بس انا بختارلك هيهي
و تقولي ادورلك واحد فنان .. يحمد ربه بيحصل واحد شراتك لانك تحفة
فديت لولو
على طاري تحفة
عندى بويفرند مصر تحبة وايد
و تقولون روميو و جوليات هيهي
ما شفت درجت الاحساس القوي جي من قبل
تقولي ما حبيت و لقيتة الى يوم قربت اموت
كنت اقولا عن الباخة خلي عنج ها الكلام
كانت تقولي نيمو اذا مت لازم تعرف اني وايد وايد احبك و ما يشاركك في غلاتك احد
و مرات نمشي احسها حزينة و تدمع و تحضني بشارع و تقولي نيمو ادري اني ضايقتك وايد في حياتك و دوم افتكر فيك لما اضيق و اطلب العون منك .. ادري اني ما اقدر اوفيلك حقك .. بليز سامحني اذا غلط في حقك
قلتلها : عمري ما زعلت منج .. بس احيانا اضايق من تصرفاتج من خوفي عليج لا اكثر
كانت ترتب ياية الاغراض و كانت تقولي ابا اشوف صندوق ذكرياتك .. قلها عقب برتبة
ما كنت ابا افتحة جدامها
كانت تدور سبب تترك حبيبها .. قالتلي وايد يحبني بس انا حاسة اني بموت مابا اتعبة يعاني
كنت اقولا لا كملي و عن البياخة ما بتحصلين احسن عنة و هاي فرصة اذا ضاعت بتندمين العمر كلة عشان ضيعتيها
لا تخلين الوسواس يضيعة عنج
قالتلي شكلي اوسوس وايد و احلم وايد و قالتلي لازم اشوف دكتور نفسي ولا انا بتخبل و اوسوس بالموت
شفتا الصبح ولا الفجر
و راحت بيتا
في شيبويا و للاساف شيبويا عدالنا بس تكسرت .. المشكلة ما عندى تلفون
و انا ضيعت تلفوني في الغرفة .. شكله طار من الزلزال
و كنت ابا ايبة و ادورة بس الظلام و الخوف و زلزال الي ياني مرتين و انا ادورة خلاني اهون و انزل عن
اموت ولا يصيني شي
رديت البلاد .. ما تقدر تطمني لانها ما تقدر تتصل ولا اقدر اطمن لاني ما اعرف رقمها مال الامارات و نيويورك لانا كلاه في تلفوني مخزن
و هذا انا .. مستعد لكل انسان يفارقني و انا مرتاح
لاني عمري ما ضايقتة ولا غثيتة بشي
التلوم بعد وفات انسان صعب ايني
لاني ما اقدر انام و انا مزعل انسان غالي علي
لورا انتي اختي العزيزة الي ما يشاركونج بمعزج شي
و بتمين الدلوعة الي تحس بالمان ياية
و بتمين تقولين انتي صح و تبيت تتئكدين من كلامي و تساليني 1000 مرة لانج تبين تسمعين جوابج هيهي
حبيبتي لورا انا حاس انتي في عالم البرزخ لا اكثر و هذا من كلامج الي كنتي تحسين فية
و بتم متمسك بأمل انج بخير
لاني ما اتمنى اخسرج
ممكن في شي ما قدرت اقولج اياه طول 8 سنين .. انج اكثر انسانة تخليني سعيد
و دايمن على بالج انج ما تيبين الى الهم و نكد حقي
لا والله تعبج راحة
حبيبي لورا من تقرين الموضوع ردي علي لو ايميل .. طمنيني عليج
