my relationship with meme

my relationship with meme

يوم أنا سافرت للبعثه , كان في وايد من طلاب الاماراتين موجودين في سكن مدرسه اللغه .. وأنا يلست هناك لأني ما أعرف شي في دوله إلي أنا فيها .. ف كنت لافت إنتباه الجميع وكانوا يقولون منوه الطالب اليديد ؟ وبدا الكل يتكلم عني .. ووايد ينغزوني ولدرجه يقولون لي أنت أحلى واحد من طلاب الاماراتين .. ولا أنت احلى واحد في المدرسه .. وكنت اقولهم .. أوكيييه .. سوو وات ؟؟

بصراحه كان في وايد قييز و بايسكشوال في الدفعه والكل كان يتنافس علي .. وهم كلوز مايند .. ما كان يعجبني أي أحد .. ولا افكر فيهم اصلا .. وبدا في نوع من التحرشات يعني يا بالكلام او بالتصرفات .. وحتى أحيانا كان يلمسني من خصري .. وكان يقول شو هالخصر أول مره اشوف خصر جي .. وكنت امسك إيده وابعدها وأقوله

don’t ever touch me I gonna kick your ass

ومره ثانيه بدا يلمح .. والمره الثاله جلبت الممر كله على راسه إلي في مدرسه .. وهزبته وقلتله .. وانت بعدين معاك ؟؟ وهو ماشاءالله عليه عملاق أطول وأعرض مني .. وحطيت راسي براسه وقلتله إذا تتحرى نفسك ريال جرب تحط إيدك مره ثانيه علي ..

صارت مشكله شوي وأنه زعل .. وقال حق الشباب أنه هو كان يتمصخر وهو خذ السالفه جد .. وبديت اتضايق وايد منهم ومن كلامهم وكانوا يقولون تتوقعون أنه نيمو عنده ميول ؟

وكانوا يتكلمون عني في الحمام يقولون أني أنا طرررر لووول يعني معناته حلو من الخاطر هيهيهيهيهيهي .. والثاني يقولون أنه ما عنده ميول .. وما عنده حركات ما عنده يمين ويسار .. والثالث يقول والله انا ما يخصني بروحه ياتني هزبه منه فما يخصني بالسالفه وخلاص ما عاد يهمني ويعني من هالكلام

.. فدشيت عندهم وقلتلهم لو تبون تعرفون إذا أنا قيي ولا لا .. أنا بايسشكوال وعندي ميول للشباب وأقدر أكون مع شاب وأقدر يكون معاي بوي فرند .. لكني مب بيتش ومبا ارقد وياكم

so If any guy ask me for sex ma yaloom ela nafsah !!

سكتوا , وقالوا لا محد قال شي ولا هذا .. وقلتلهم هذا تحذير لكم .. سكتوا ما تكلموا ..

مرت الأيام , وفي واحد يحبني ومعجب فيني بس أنه ما أتفقنا وايد وهو من مواليد القوس .. وكان وايد معجب ووايد يغار وكان ما يبين هالشي .. أنا للحين معجب فيه .. وكان يبا علاقه معاي عسبت نكون قراب من بعض وجي .. تدخل ميمي باالسالفه وقلت له

its not your fucking business its my life

رد علي ميمي وقال أنه هو يرمس قدام الشباب ويقول أنه نيمو يحبني ويسوي لي سالفه ومن هالخربطان .. المهم انا قلت للولد صح هالكلام ولا لا .. قالي لا أنا ما اسويها ..

كانت تعجبني غيرته وايد لأنها هاديه ومافيها مشاكل .. فمره عند الشباب قلتله .. قالي وين بتسير .. قلتله بسير المطعم .. يقولي ويا منو .. قلتله ما يخصك بسير ويا ربيعي ما يخصك ليش بعد تسأل .. كل الشباب ماتوا من الضحك هيهيهيهيهي

مع الايام .. بدا يتعدل ويكشخ .. وصاير ستايلش عسبت يثير انتباهي ..

لكن فجأه اتصل عليه أخوه وجبره أنه يتزوج لأنه وحده من الأهل .. فصارحني بالموضوع وقالي ما نروم نتم ويا بعض وأنتهت علاقتنا

بعدين ميمي بدا يتقرب مني .. وما سويت له سالفه ويقولي .. أنا أدري تحبه ومادري شو ..

anyway

ف بدا يقترب مني .. لكن ما عطيته ويه ,, ما كان من تايبي وما كان جميل .. كان قصير ومتين شوي وكان شكله اكبر من عمره بوايد .. وبدا يتقرب مني وبدا يطلع وياي .. وكان يقولي أحبك وأموت فيك .. وكنت أقوله أفهمني أنا ما أحبك وانت مش تايبي

you are JERK !!

مع الايام بدا شي يتغير فيني أنا .. وتقبلته ك بوي فرند ودخلت بعلاقه .. أنا حبيته وانجذبت له .. وكان من النوع إلي وايد يتحكم بس ما عطيتته هالفرصه .. وكنت أقوله طز فيك ما تباني .. يلا سوو بروكن آب وخلاص .. وكان دوم يلعب دور البريء المظلوم وأنه محتاج لي .. وأنا أحب العب دور أني انا المنقذ وأخلي ناس

feel all right

وبدت علاقتنا تصير سويييت .. ونشوف بعض ونسولف ويتطمن علي وأتطمن عليه وجي .. وكان وايد يغار علي لو أكلم أي حد ويقول

you are hot everyone wants you

أقوله ليش تغار أنت ما توثق فيني ؟ ف يقولي أنت حلوو الكل يباك وكل يفكر فيك ومستعدين يسون اي شي .. قلتله هذا مب عذر انت لازم تراويني أنك تثق فيني

وبعدها بدينا نتخالف على وايد أمور .. واتذكر في رحله كان قوود تاييم .. وبدل مكانه مع واحد سعودي عشان يتم وياي ..

كنا نمشي عدال كنيسه .. بعدين

he kiss me

كنا يالسين ويا بعض بروحنا .. عدال الكنيسه شعور حلوو بصراحه هيهيهيهيهيهيهيهيهيي,,

مرت الآيام بدينا نختلف اكثر .. وبدا يسوي وايد دراما .. وايد يغصص علي .. وما يباني احاسبه لأنه كله غلطان دوم يبا الاشياء تمشي على هواه ..

وقام يهاجر يروح الهوتيل .. يغلق تلفونه .. وهني بدت العلاقه تدهور .. وبديت وايد أكره هاي العلاقه .. نتضارب ثلاث مرات في ساعه وخلاص بديت أكره ويلوع بجبدي .. وكان وايد سخيف ,, كل طلعه اطلع فيها يتطنز .. وكل طلعه أنا ارتبها يطلع واحد من ربع ويانا .. وكان دوم يحرجني .. واشوفه بنظره بنظره خايسه ..

ويوم أقوله يلا مثلا نطلع مع بعض من زمان ما طلعنا مع بعض .. وفجأه يروح يخبر حد من الشباب يلا اطلع ويانا .. ف يقولي عادي !!

وكان يتطنز في الطلعات وما يقول كلمه حلوه إلا وراها كلمه خايسه .. بعدين بديت وايد اتضايق لاني من النوع الوايد عصبي .. واذكر مره كنت معصب سكرت الباب .. بالقوو .. ومن الغيض ضربت الكبت بإيدي .. جان تنكسر إيدي .. بس حمدلله ما صار كسر طلع في شرخ ..

وعقب يتنا دفعه الشباب اليداد .. وفي واحد من الشباب قاله أنه يتغزل في ميمي من أول يوم .. وهو الحبيب ساير يقولي السالفه كلها وقالي فديتك في خاطري أمصك !! قلتله قولي منو أحسن لك .. فتضاربت معاه وها الشي طبيعي لأنه ينرفز

بعد 4 أشهر دخل هذا الولد بحياتنا .. بدا يتغير .. بدا يبا أي بروكن آب عشان يصير ويا الولد الثاني .. وبعدها روحه يشتاق لي ويرجع .. وبدا يكنسل أي مواعيد نحن نقضيها مع بعض ويقولي أنا مع الشباب .. ما يحترم ويتأخر وإن كان موعدنا ساعه 7 يتأخر .. احرق تلفونه لساعه 9

ويوم اسأل شباب يقولون لي طالع مع الولد .. اتصل حق الولد واقوله عطني ميمي اكلمه .. وأقوله رد الحين احسن لك يقولي اوكي برد بعد شوي .. ويخليني اترياه بالساعات

بدت قصه الدراما وبدا يتضارب معاي وبدا يدور أي سبب عشان يتضارب معاي .. عشان قبل الويكند يكون فاضي للولد .. وعلى باله أني مب فاهم .. واونه زعل كسر أي شي وراح ..

وكان الولد ساكن نفس العماره إلي أنا ساكن فيها .. بس في طابق إلي فوقي .. طابق 22 .. يالس الويكند عندهم وبايت عندهم 3 ايام مع انه بيته قريب

بديت أقوله أنا ابا بروكن آب .. وأي بروكن آب بس لما ييني ويسوي دراما أرضى عليه .. وكنت اعاني وايد من الخيانه فتقولي ماي بيست فرند التايلنديه .. الولد إذا يخونك .. شي طبيعي أنه يخونك .. مدامه بعده يالس وياك .. لأنه يحبك ويبغيك ..

قلت لا حبيبي مب أنا يسرقون ماي بوي فرند .. أنا أأدبه ,, وبديت أعامله أحسن وبديت ما أهتم فيه واقوله سير برايك حبيبي بديت .. أعدله واسوي له ديييت واستخدم مغريات .. وافرش له الشقه ورود والشقه ماشي انظف منها .. ,كله شموع وإضاءه خفيفه ورمانسيه .. أنه وااااو شسوي

وبدا يبتعد عن الولد .. والولد بدا يتغايض .. ف بدا بينا ضرابه على

UGLY GUY xD

وماشي ما كان في أحسن من معاملتي وما اضاربه .. لأنه جي ولا جي مايقدر يستغنى عن الولد .. فقلت لا ما بسلم ماي بوي فرند بطبق من ذهب .. مثل ما لعوزتني بلعوزك .. وكنت وايد اتضايق في خاطري لكن كنت اضحك له لأني أعرف أنه يخوني بس اضحك له .. بس بنفس الوقت كان في تحدي شوي وبنفس الوقت أنا ابغيه ماي بوي فرند ولأني تعبت من الخيانه وكانت هاي أيام أكره ايام حياتي

كان يطلع من الغرفه بعدين اخبي مشاعري وكان أدري انه هو ساير له كنت اضحك له عادي ويروح له .. كنت مجنون الحب .. الحب عذبني .. ما يهدا لي بال وانا افكر شو ييصير بينهم ..

بديت اطنش بديت اتجاهل موضوع لأني اعرف انه ماي بوي فرند ما بيكون لي .. ويلعب على الحبلين .. وكنت بعماله اقوله اليوم الولد طلع من حجله دم .. ف يقول وينه !! وكان يركض يدور عليه ويتجاهلني .. ويسير لعنده فوق يتطمن عليه وعقب رد .. يتخبل موول !!

يقولي ربيعي وايد اعزه .. واقوله هي قول تحبه .. ويقول لا ما بينا شي لا تفهم غلط وانا ما احب غيرك .. اقوله هي ادري حبيبي انا واثق فيك

بديت اطفر وسويت بروك آب .. ويجيني ويسوي دراما ويقولي لا تحرمني من حنانك .. وانا منو عندي في هالدنيا .. إذا انت ما توقف معاي منو بيوقف معاي ومن هالكلام .. انا احبك وانا ما عندي حد .. نيمو بليز انت كل شي في حياتي

وصرت بين نارين .. ابغيه وما ابغيه .. وبديت وايد اتعاذب وايد اتنرفز وايد صاير عصبي عندي طبع غريب إني لما اوصل لقمه العصبيه أكسر كل شي قدامي لاني لو ما سويت هالشي عادي امسك أي حد قدامي واضربه ضرب بدون ما احس ..

كنت مستعد اسامحه لو يتوب عن هالشي .. لكن للأسف يتمادى

تمر الايام يختلف مع الولد يتم معاي بعدين .. الولد يراضيه ويرد وياه .. وترد السالفه من اول ويديد

زاد عذابي .. وبهذا الوقت تعرفت على تركواز .. حبيب قلبي تركوز .. وكنت متضايق وابا حد يسمع لي وقتها .. وكنت أقوله كل شي .. وكان يقولي أتركه .. كنت اقوله ودي بس ماقدر .. كان يقولي تركوااز اتركه ما منه فايده واقول خاطري الود ودي بس أنا وايد أحبه وهو ما يستاهل .. بس ابا اكون وياه ..

مرت الأيام وتحملت خيانته 4 اشهر .. كانت ايام وايد صعبه .. ما أقولكم اليوم يمشي عن سنه .. كنت في حاله نفسيه صعبه .. وتعبت وايد واايد وايد أنه يكنسل كل شي عشانه

تعبت انه يخوني ويجذب تعبت من كل شي .. تعبت أنه يدري انه كان ممارس الجنس وياي عندي ويكون تعبان .. تعبت أنه يستخدمني الانسان الحنون إلي يحن عليه ويطبطب عليه .. تعبت وانا اتحمل كل هذا .. خلاص مابا اكاذيب مابا خيانه ما شي .. اتركني خلاص!!

انا لما ارد في الاجازات .. كان ماي اكس بوي فرند يقولي أني اكون بعلاقه معاه .. ويقول تولهت عليك وأنه مافي احسن منك .. فقلتله إني أنا بعلاقه وأنصدم !! ف سكت وقال خله يولي شو تبغي به يعني خونه قبل ما هو يخونك واستانس !! قلتله نعمم !! قالي .. شوف في نهايه هو بخيونك .. قلتله انا ما بخونه .. وهو يخوني بس أنا ما بخونه لأنه هاي مش مبادئي أنا أصلا .. وأنا ما أخون أحد ولا بخون حد وبعد ما اسوي بروكن آب هني حزتها بفكر أني بدخل بعلاقه

وقلتله إذا انت بعلاقه بتخون ؟ قالي هي بخون لأنه محد وافي .. قلت هي شي طبيعي لأنك

JERK

أنا ما قصرت سويت كل شي خليته يتعلق فيني .. وهو من الأساس متعلق فيني فما يقدر يسوي بروكن آب ويروح عند الولد .. ف اليوم إلي خانه فيه الولد .. وكان وايد متضايق .. يايني شوي بينفجر وبيصيح وكانت خيانه الخياانتين ..

الولد مع ماي بوي .. والولد مع بوي فرند إلي ل ماي بست فرند

ياني متدمر .. يقولي نيموو أنت مافي مثلك انت حتى أيي عندك كلها نظيفه مرتبه جاهزه حقي .. حتى الماي إلي أحبه تعرفه والكوفي والاشياء إلي احبها من غير ما أنا اقولك ياها عارفنها وحاطنها بالثلاجه أنت تاخذ لي مواعيد وترتب كل شي وانا اكنسل .. انت وفرت كل شي وانا مب مقدر أنت وايد مخلص لي ومن هالكلام

وقال .. انا آسف على كل إلي صار وادري اني جرحتك وايد جرحتك وانا مستعد أني اعوضك عن كل إلي فات .. وبليز سامحني .. قلتله طبعا حبيبي سامحتك وليش ما اسامحك حبيبي .. قالي صدق !! قالي والله أنه قلبك كبير وحظني

قلتله تذكر يوم قلتلك

Join the fun to the last moment , because one day you will find yourself wihout fun and without a good boyfriend

ضحكت وقلتلي نيموو تتمصخر !! أنا عمري ما بخونك .. وشو أنت ما تثق فيني ؟ قلت له لا أنا أثق فيك .. قلتله انا ادري أنك ساير عند الولد .. ولا شو دراه الولد بالسالفه ؟؟

قلت له تذكر لما أقولك كم مره يعطون الشخص فرصه .. قلت لي انت وايد تعطيني فرص .. قلتله هي بس بيي يوم بتتمنى فرصه وحده وما بتلقاها .. وطبعا أنت ما فهمت شو كنت أنا اقصد .. شوف حبيبي أنا اعرف واحد اثنين ثلاث اربعه خسمه .. وقلتله عن كل يوم بيوم كان يخوني فيه .. قالي لا ومادري شوو .. قلتله تبا تتأكد

فتحت الدرج إلي تحت وطلعت مذكرتي وقلتله هاي المذكره الخاصه بس عني وعنك .. عشان يوم ابا اكرهك يكون في سبب جيد اني اكرهك لاني دوم اسامح واسامح .. كنت ابا المواقف تتراكم عشان اعرف احكم عقلي مب عواطفي .. عشان ابدا احاسب مب اسامح .. وتميت افتح له صفحه صفحه .. باليوم الفلاني .. وبالساعه فلانيه كنت ممارس الجنس وياه وداخل عندي .. وما تميت خمس دقايق وروحت .. .. وتاريخ فلاني صار كذاا وبساعه فلانيه كذا كذا .. وكنت اقرا له ملخص كل يوم

رد علي وقالي .. ملعوون !! مسجل كل ها .. قلتله لأنه ما عندك رد صح !! .. قالي والله انك فاهمني غلط !! يقولي أنا أحبك ومادري شو أنا اعترف لك أني قصرت بحقك لكن عمري ما خنتك .. أدزه مب طايخ وماسك الباب بالقوو ويقولي اسمعه .. وحاولت ادزه وما قدرت .. وقلتله تبا تسمع شي حلو ؟

هذا الوقت إلي تبغي الفرصه وعمرك ما بتحصلها .. هذا الوقت إلي

you will lose your fun and you Boyfriend

وقلتله اطلع برع .. قالي اطلع برع !! قلتله هي بررررع !! .. قالي انا يور بوي فرند وتطلعني !! قلتله بوي فرند هاه .. عيل بروكن آب يلا برررررع !! وقال مب طالع الا يوم تسمعني .. .. جان اشله وافره برع مثل الجلب وقلتله بصوت عالي إلتعن وسكرت الباب .. تم يدق علي باب ما افتح له .. يتصل علي اصكه بويه .. تم مثل الكلب يلحقني ويبا رضاي سنه كامله .. وكان ييبلي وايد هدايا وقت .. كنت اقوله نايس الهدايا بس مش معناته اني راضي عليك .. وكنت استلم هدايا وايد ماركات .. وكنت العوزه وايد بصراحه كنت انتقم منه .. واقوله

ميمي آي مس يوو .. وكان إييني من منطقه تبعد ساعه بالقطار .. إيي لعندي أقوله كلمتين حلوين وعقب اطرده هيهيهي واقوله شفت أنت مثل جلبي وقت ما ابغيك اتييني .. والحين يلا اطلع برع .. وعقب يقولي خليتني اييك من مكان بعيد واخر جي تسوي فيني .. وانت اكثر انسان يحن علي صار يقسى علي .. جان اقوله يلا برررررع وكررت هالحركات مرارا ً وتكرارا ً

:p

أخسس فيه اتصل به ويتصل بي واذكره بالايام الحلوه وليش ما نحجز رحله .. وليش ما ننسى كل إلي فات ويتذكر المسكين ويقولي تعبت ماروم اعيش بدونك ,, واقوله حتى أنا يلا تعال .. إيي شوي اسوي له طاف اقوله بطلع .. يقولي ياي عشانك وتسوي لي طاف .. اقوله هي بطلع عادي .. ويقولي وين أقوله رايح عندي ديت .. يقولي ويا منو .. اقوله واحد اسباني موديل عمره 19 اروح بالساعات .. اشوفه بعد يالس ويا الشباب يترياني ..

وكان الاسباني ما قصر وياي .. كان يهديني ورده صفره لأنه كان يغار علي ويعبر بهاي الطريقه .. وكان يهديني ورود وتغصص بهاليوم وتضارب ميمي معاي .. وقالي أنه ما يقدر يشوفني محد ثاني وانت بتظل لي

قلتله

YOU ARE SICK

مسكني بالقوو ومغيض ولدرجه قطع لي إيدي .. انا غيضت دزيته وظهره ضرب حد الطاوله .. قالي ظهري قلتله إيدي .. قال سوري بداويك .. جان اقوله برررررع مابا اشوف ويهك .. واطلعه واشوته برع واسكر الباب ..

مرت الأيام مرض .. ويقولي آي مسس يوو .. وبديت ما اتصلتبه لأني خلصت من انتقامي .. ويوم من الايام مسكني وقالي ابا اكلمك بشي خاص .. قلتله كلمني هني مافي شي خاص .. قالي لا مابا اتكلم موضوع قيي قدام شباب وجي

ورحنا لغرفتي .. وعقب قرب مني وباسني على رقبتي وبالاحرى مصني بشكل فضيع .. ومب حلج عليه رقبتي علمت بنفسجي وبعدها طردته مثل كل مره

hes jerk he will never change , hes stupid

انسان وايد خايس ولوث عمره ما بيعتدل .. ومثل هالناس فرقاهم عيد .. يوم يتضايق يسوي فلم هندي يتعذر ومادري شوو ..

وهاي قصتي مع المريض .. تذكرون يوم اقولكم ماي اكس إلي يغار من ماي بوي فرند الي ميت .. هذا هو يغار ويخون عادي ..

الخيانه هو اصعب شي في الحياه .. وفي ناس تختار تعيش في ألم مثل الإنسان إلي ضرسه يعوره وما يبا يجلعه لأنه يحبه ..

هاذي اسوأ واكثر ريليشن شب عانيت فيها .. لأني كنت أتعامل مع شخصيه مركبه بعد بروكن آب ويقولي ما عرفت الحب إلا معاك .. وما كنت ادري يوم كنت أخونك

وايد عانى من فراقي لدرجه أنه صار سكيني لانه ما ياكل وتعبان ومتضايق .. وقلتله تستاهل انا استحملت وايد عشانك ,, وصبرت وايد عشانك ومافي انسان ممكن يتحمل إلي أنا تحملته عشانك ..

قلتله هذا أنا .. مب ناقصني شخصيه ولا وفى ولا اخلاص ولا جمال ولا شي .. انا لو أأشر أبا بوي فرند الكل يتمناني .. بس أنا أختار إلي يعجبني .. أنت جدامك وناس يغازلوني .. جدامك الناس تسألني إذا انا استريت ولا قيي .. وكنت اقولهم انا قيي وابوسك واقول هذا ماي بوي فرند ..

وأهديكم هاذي الاغنيه تعبر عن احساسي