My relationships story 2

My relationships story 2

بعد مارك (( الله يرحمه )) كان عمري 14 وقتها , يوم كملت 15 دخلت بعلاقه مع بنت أسمها لولو وكان يجمعنا الأحترام والتقدير أكثر من مشاعر الحب , وكنت وايد أنفصل وأرجع لها وهالشي يتكرر وايد . ويوم صار عمري 17 سنه دخلت بعلاقه مع وحده من سويسرا أسمها فابيان وكلمنا 8 أشهر لكن العلاقه أنتهت والسبب هي خانتني مرتين وأنا ما قدرت أتحمل هالتصرف منها بالرغم انها صراحتني بهالشي . والمره الأولى سامحتها لأنها صارحتني وندمت على غلطتها

والحين بقولكم قصتي مع مارك من بريطانيا وأسمه نفس أسم أكس بوي فرند إلى توفى , ومن نفس الدوله وحتى كان يشبه بالشكل . لكن الفرق أنه مارك الأولي كان أكبر عني , لكن هذا أصغر عني. صرت أنجذب له لأنه يذكرني بالمارك القديم , بهاي الفتره كنت أحسه يعوضني عن مارك إلي خسرته ولدرجه صرت أحس أنه مارك نفسه إلى توفى رجع للحياه

هو إلى بدا يتقرب مني وكان حنون وطيب وايد معاي وأنا تقبلت هالشي منه ما صديته وبعدها بفتره قصيره سألني وقال

do you want to be my boyfriend ?

وطبعا سألته اسئله إلي بالعاده اسألها قبل ما أبدا أي علاقه مثل وليش أخترتني وشو إلي عجبك فيني يعني تتوقع أنه نناسب بعض ..

طبعا أنا مش من النوع إلي يحب الدراما ويسوي روحه ثقيل مثل وايد ناس ويقولون عطنا وقت نفكر ومادري شوو .. لأنه الثقل والرزانه بالتصرفات والمواقف . تصرفات اليهال والدلع ما تندرج تحت الثقل. فعلا دخلنا بعلاقه وكانت فتره حلوه بحياتي واستانست فيها لأن هذا الإنسان فعلا حبيته , صح مو كثر مارك الأولي لكن هذا حبيته وتعلقت فيه وايد

مرت الأيام على علاقتنا , كنت متضايق من نقطه وصارحتها فيه وقلتله إني حبيته هو كشخص نفسه ما حبيته عسبت أعوض ناقص مارك الأولي أو لأنه يشبه .. لأني فعلا حبيته وايد تعلقت فيه صح قبل كنت أشوفه يشبه مارك الأولي بوايد أشياء بس الحين فعلا شفت إنسان يختلف عن مارك الأولي وكانت ردت فعله أنه تفهم هالشي ولمني لصدره وكان شعور لا يمكن أي كلام يوصفه

كنا في المطعم نتعشى ,, فاجئني وبالاصح صدمني لما قالي أنه لازم يسافر لبريطانيا وأنصدمت أكثر لما قالي أنه سبب سفرته هي للعلاج وهالشي ما خبرني عنه بأول علاقتنا . وقتها حسيت بالغصه وكان في اختلاط في المشاعر من اتجاهي .. أني أزعل عليه وهو مخبي عني طول هالفتره أو أني بحزن على هالسفر المفاجئه وشوقي له .. لكن إلي سويته أني حظنته وأخفيت مشاعر الحزن والغصه لأنه خبى عني

ويا اليوم إلي بيسافر فيه .. ولما كان ببريطانيا وكان بينا اتصال على النت والفون وإذا عالنت كان فيديو كول ورغم أنها ساعات كنت أحسها فتره طويله .. كان ما يهدى لي بال إلا وأشوفه أونلاين وكنت أترياه طول اليوم .. وكان يقولي أنه لازم يروح مستشفى عسبت يسوي التحاليل

وقتها (( سيدني )) إلي هي أخت مارك ماي أكس هي جارتهم في بريطانيا .. من عرفت أني دخلت بعلاقه مع مارك , عصبت علي وقالت لي أنه هالإنسان مريض وأصلا من زمان مريض وما في أمل أنه يعيش ويوم دخل وياك بعلاقه هذا معناته أنك مخدوع فيها

كلمت مارك في النت وقلتله شوف أنا عارف أنك مريض قبل ما تدخل وياي بهالاالعلاقه , أنت خدعتني بهالعلاقه وحط في بالك لو كنت خادعني بشي غير هالمرض كنت تركتك .. بس لأنك مريض راح أسوي معاك الواجب وبوقف معاك .. أدري أنك أخترتني أكون بعلاقه معاك لأنه ما كان عندك خيار أصلا ,أنت بهالوقت ضعيف ومريض وتبا انسان يوقف معاك وتعيش لحظاتك معاه .. أنا متفهم هالشي , لكن بعد ما تتعالج من مرضك نهائيا وتطلع من مستشفى ساعتها أباك تقرر مره ثانيه أنك تكمل وياي أو لا .. وحتى لو قلت لا راح نكون فرندز

كانت رده على كلامي

I really Loved you , I didn't tell you about my sickness isuee because I know you will refuse to be in relationship with me. I love you , I don't want to lose you . I will always choose you and I'm going to say yes after the treatment.

طلب مني أني أسامحه , وأكيد أني سامحته.. وقاللي أنه بيدخل مستشفى عسبت العلاج واحتمال يطول يعني أسبوع أو شهر .. وطول هالفتره وأقصد قبل ما يدخل المستشفى كانت مشاعري واحاسيسي كله له من حب وشوق ووله وكنا نكلم بعض طول الوقت بالنت ..

مره تعب وكليته كانت تعوره .. وولد أخوه ما أذكر اسمه بضبط بس بسميه ناز .. طلب الإسعاف عسبت يودونه المستشفى .. وبعدها أنقطع التواصل معاه ..

وقتها أدري أنه كان بالمستشفى , لكن ناز كان يطمني عليه ويقولي أنه تعبان ومن هالاخبار .. وتم على هالحاله اسبوعين وكان يقولي أنه مارك يقول أنه مشتاق لي وأنه متوله علي .. ووصلت لمرحله خلاص تعبت وتنرفزت عليه قلتله شو كله تقولي أنه تعبان وتقولي مارك يقول ويقول خلاص أباه هو يكلمني ماباك أنت تقولي .. خل هو بنفسه يقولي هالكلام وكنت أتحرطم عليه وهو ما عرف يرد وما عرف شو يقول

الكلام إلي قلتله

I want my baby , ma abak trd 3liah ... aba Mark ma abak antah tn8li kalamah ... ma abak two9al klamah bkl brood , aba asma3 9ootah , aba ashoofah , abah ho y6mni 3nah mb anta

ygoli he is fine

athakr wogta 3a9ab

gltlah shut up

39ab mni gali hatha aly ana aswoi fik 5ir a6mnk 3lih , 3shan ho mwo9ni

sorry ana ma bdsh his e-mail marah thaniah

geltlah don't

abah ho ydsh

وسيدني قالت لي أنه نحن جيرانهم وبس .. ما نسألهم شو يصير وشو التفاصيل .. ما يخصنا فيهم .. وقتها كلما اتضايق أطرش له رسايل على البير شير لأنه إميله الهوت ميل كان متروس .. قمت اتريا شهر شهرين .. ثلاث أشهر بدون أي أخبار وما أعرف إذا كان حي أو لا .. فقررت أنتظره 6 شهور وأن كان حي أكيد بسمع منه خبر خلال هالفتره وإن طلع ميت خلاص انتظرته 6 أشهر يعني سويت واجبي معاه

وهاذي الأغنيه تعبر عن إلي فيني بخلال هالفتره ..

الشهر الأول كان صعب .. والشهر الثاني كان أصعب .. والشهر الثالث بديت أتعب وقتها كان ببالي شي واحد أنه هالإنسان مات خلاص وكلما إتي هالفكره في بالي كنت أصيح .. وبذيج فتره كنت أكتب رسال في البير شير وكنت أقوله أعرف أني أكتب رسايل لإنسان مات وأدري أنك ما بتقرا هالرسايل لكن أحتياطا لو طلعت حي بس عسبت تشوف شكثر احبك وشكثر كنت أترياك .. ورسايلي تعدت الآلاف وعلى فكره لين الحين الرسايل موجوده وإلي يبا يقراهن أنا مستعد أراويكم إياها ..

وبعدها صارت رسايلي أقوله بس أبا أشوفك خمس دقايق .. ابا احظنك ابي اقضي لو هالفتره بسيطه وياك .. وبعدها صرت أقوله خلاص مابا أشوفك ولا شي بس طمني على الأقل أنك بخير مش متألم أو متعذب .. وهاي فتره كانت عصيبه علي لدرجه كنت أحس يومي عن سنه

وبعد أربع أشهر من العذاب ,, دش المسنجر وأنا كنت أقوله وينك وأنا مستانس أنك طلعت وما صدقت .. وقالي أنه طالع من فتره .. وقلتله تذكر يوم قلتلك قبل ما تسوي العمليه أني برجع اسألك إذا تبا تكمل العلاقه معاي أو لا .. قالي أكيد أبا اكمل وياك وانا قريت رسايلك كلها ما كنت أقصد أني أعذبك لهدرجه وبعدها قالي أنه متوله علي ومن هالكلام ..

بعد أسبوع .. ياني خبر من سيدني وتقولي أنه يخوني مع واحد وقالت لي أسمه بس ما اذكره بصراحه .. وبعدها كلمته قلتله أنت تخوني وأنا اعرف هالشي .. أنكر بالبدايه لكن بعدين قال هي أنا أخونك وكان حجته أنه ريال ومحتاج أنه يفرغ شهوته وأنا بعيد عنه , قلتله أوكي وأنا بعد أنتظرت طول هالفتره حرمت نفسي من وايد أشياء عشانك وآخر شي ببساطه تقولي هالكلام !!

أعتذر لي وقالي كلمه وقتها خبلت فيني هالكلمه .. قالي

baby , I need you right now

كلمت أهلي وطلعت عذر أني أريد اقوي لغتي الانجليزيه في بريطانيا ,, وقلتلهم عن معهد هناك بنفس المنطقه إلي أهو فيها وخلاص حجزت وتجهزت للسفر وكل شي وقلتله أني ياينك ..

أنصعقت , لما سيدني يابت لي خبر ثاني يصدم أنه مارس الجنس مع ثلاث !!

وكان رده .. أنه شو بتذلني أنك انتظرتني طول هالفتره بالمستشفى وخلاص ما اقدر استانس بحياتي ولا شي .. طبعا ما قالها بشكل مباشر لكن واضح هذا قصده

وعقبها قلتله الحل الوحيد الأصعب لكنه الاحسن .. خلاص بروكن آب .. قالي نقدر نكون فرندز وجذي قلتله أنت حتى كفرند ما تشرفني .. لأنه الصديق فيه أخلاص وولاء وتقدير وأنت حتى هاي صفات مافيك

تمينا نص يوم بس نتكلم بس أني أقول امسحني لأنه انا قلبي ما يطاوعني أسوي هالشي وهو يقولي لا أنا أحبك ما بمسحك .. وأقوله خلاص وقف الكذب والخيانه .. ليش معلقني جذي تستانس بتعذيبي .. ويقولي لا ما بمسحك .. ووصلت لمرحله خلاص قلتله أنا إلي بمسحك وكان يقولي يلا أمسح .. انا أقوله أوكي بمسحك !!

قلبي عورني .. وأنا اسوي رايت كليك ,, ولما حطيت على ديليت .. دمعت عيوني وسويت ديليت

مسحته من حياتي .. وللأسف صار ذكرى مؤلمه أشاركم فيها

مع مرور الوقت كان يحاول يرجع لي وكنت أصده بكل ما أملك من قوه وبالرغم الصراع إلي بداخلي أني أحبه لكن خلاص ما أقدر أرجع له

بالرغم من محاولته ويترجاني

ملاحظه:

كل إنسان أني أنهيت علاقتي معاه وصار بروكن آب بعدها لازم يحلقوني مثل الكلاب بعد ما أنكسر كل شي .. بعد ما فات الأوان ..

هاذي أغنيه تعبر عن مشاعري ..

ana agool thx for turkooz 3la al trjmah bl arabic :D