my relationship story 3

my relationship story 3

في علاقات كثيره ما حبيت اكتب عنها لأنها عاديه وتنسى بسرعه .. وخاصه إلي ما تكمل أكثر من اسبوعين ما اعتبرها علاقه وحتى إلي مافيها مصداقيه ما أسميها علاقه , وإلي مافيها تضحيه ما أعتبرها علاقه.

إذا ما تحسه قطعه منك وتحسه أغلى من مشاعرك ما أسميها علاقه .

بقولكم هالمره بعلاقه وايد حلوه وأقول حق محتار مب كل العلاقات تنتهي بفراق أو بموت أو خيانه وحبيت أقولكم هاذي القصه ..

2009 أول ما سويت هالبلوق في شهر 7 كان في موضوع لي أتكلم عن شخصيتي وبعد عن البوي فرند .. بدخل بتفاصيل هاذي العلاقه وعن هالبوي فرند ^^

تعرفنا على بعض من موقع خاص لوول وطلع ساكن بنفس المنطقه إلي أنا ادرس فيها .. تلاقينا في بدايه كفرند , وطلعنا كفرند وأنا اعجبت فيه بس مش من طبيعي أقول للشخص أنا معجب فيك .. لأنه مرات تكون الصداقه أحسن بوايد عن العلاقه .. ووقتها كنت بين نارين .. وطبعا تعرفون أنه معجبيني كثر شعر راسي وبذات الوايت بيبول يتخبلون علي .. وعلى شخصيتي وتفكيري وعلى كل شي ^^

وكان في واحد .. نص فرنسي نص ياباني وكان بصراحه ملك جمال .. من كل نواحي .. الجسم والشكل والطول كيوت بمعنى الكلمه .. فكان فهاي اللحظه عندي معجبين وايد بس كانوا اثنين مأثرين أكثر .. بين الفرنسي وديقو ..

وبخبركم ليش أحترت .. لو أحط الاثنين بالمقارنه الفرنسي كان أحلى عن ديقو بوايد وله الافضليه لأنه مقيم بالدوله إلي أنا أدرس فيها .. أما ديقو صح أنه كيوت وجي بس ما كان إيي عدال الفرنسي وغير ها ديقو كان أحتمال كبير أنه يسافر .. فأحترت وكنت ما أعرف منو إلي يحبني أكثر وجي بس .. كنت مرتاح لديقو أكثر

فضلت ديقو عن الفرنسي .. وبصراحه لازلت معجب بالفرنسي لكن ما قدرت أصارحه بهالشي وأقوله أني بعلاقه وعندي بوي فرند ما عرفت كيف اقول له ..

قلت للفرنسي أني محتار بين نارين .. قالي أنا بوفر لك كل شي وأنا راح أعطيك إلي تباه وأنا مقيم هني .. بس قلتله هو سألني قبل ما أنت تقول وأنا خلاص عطيته الإجابه .. فالموضوع تعدى مرحله من أنك تناقشني فيه !!

كتبت على المسنجر ..

I love you diego

دخل الفرنسي المسنجر وقرا الكلام .. وقال بعصبيه ديقوو !! .. وبصراحه المنسجر كله عصب علي .. يقولون ديقوو ومنو هذا عندك بوي فرند خلاص !! لوووول

فهو هاجمني قال

Diego !!!!!!!!

Did you join sex with him ?

Did you sleep with a jerk ??

ومن هالكلام .. ورديت عليه ..

First , I didn’t had sex with him .. second point , its not your fucking business

ورد علي قال

Firstly , yah its not my business. Do whatevery you want to do and I don’t care if you join sex with him. Now , I’m going to delete you.

قلتله ..

We can be friend

قال

Sorry I can’t because I cant see with someone else

قلتله

رغم أني أعز هالانسان واحترمه

as you like …

طلعت مع ديقوو لمده ثلاث أيام .. وكنت فعلا مستانس واايد بهالأيام

طبعا يا الوقت إلي بيرجع فيها لمكيسكو .. وقالي بيكون في البلده إلي أنا فيها على آخر 2010 يعني بعد سنه أو سنه ونص

وطبعا هالوقت كان طويل وايد وجي بس تمينا نتواصل على النت بعد ما سافر .. قلتله عادي أني بتم أترياك هالفتره .. وقالي مستحيل أنك تقدر تتحمل وتصبر طول هالفتره .. قلتله .. لا أنا غير وأنت ما تعرفني عدل .. انا اقدر اترياك .. وهو يعرف أني عطيته وايد .. وجي

وكان ما يدش النت وايد إلا ساعتين باليوم .. وكنت حافظ الوقت عدل متى يدش فأول ما أرجع من السكول كنت اترياه ومرات كنت أكلمه بالفون ..

مرت الأيام .. هو بدا يتضايق ويقولي .. أنا ما أقدر اوفي لك حقك .. لأني بعيد عنك وهالشي مب بإيدي .. سوري بس انا ماقدر .. أنت أنسان مميز وايد وايد وأي انسان له الشرف أنه يكون وياك بعلاقه ..

قلتله أنا ما أطالبك بشي .. كثر ما تحبني وكثر ما أنت مخلص لي ما أطالبك بشي ثاني انا مستعد اني اتحمل عشانك وشي طبيعي مافي علاقات كامله أو بيرفكت ميه بالميه ..

قالي أنا عارف وخايف أنه بيي يوم وبتكرهني فيه .. ماباك تكرهني وأنا وايد أعزك .. وأخاف أنك تكهرني وييي اليوم تبعد عني .. خلنا نكون فرند .. اباك تستانس وتستمع بحياتك .. ولـ الفتره إلي نلتقي فيها مره ثانيه وأن ما كنت أنت بعلاقه راح نتكلم بموضوع علاقتنا ..

وفي نهايه وافقت على كلامه وأحترمته وكبر بعيني .. وشوي شوي بدا يختفي عن النت وكان يقولي أنه ساعه وحده يكون فيها فاضي .. ومرات يدش ومرات ما يدش ..

وأنتهت قصتنا .. ومثل هالجنتل مان ممكن تحصل منه في الحياه .. وبالبروكن آب إلي صار كان لسبب مقنع .. لأنه يحبني وما يبا يجرحني ..

حبيت أقولكم مب كل بروكن آب معناته خيانه .. ولا معناته في مشاكل ولا معناته في أهمال مرات يكون تضحيه عشان ما تجرح او تضايق الإنسان إلي تحبه ومرات يكون بروكن آب ما تشوف هالإنسان بيكون سعيد او مستانس معاك .. تفكر في مصلحته وتفكر في سعادته ..

أحيانا من كثر ما تحب الانسان ما تقدر توفي له حقه .. وتشوف أنه في اشخاص ثانين ممكن يوفون له حقه

وبيتم ديقو شخص مميز على قلبي فديته ديقوو ..أحب فيه الصراحه ومواقفه وكل شي .. أتمنى أني احصل بوي فرند شراته ..

وقولي يا محتار ليش تعقدت من العلاقات ؟؟.. الأول كانت علاقته عسل في عسل وياا يومه ومات شو اسوي أنا ؟؟ والثاني صح أني ضحيت لإنسان ما يستاهل وهالمواقف الواحد يتعرض لها عادي .. وهذا الثالث راح بس بيظل عسل

والقصه اليايه إلي بكتبها بتعقدك هيهيهيهيهيهيهيهيهي :p