هذا الموضوع ما أحب اناقشه ودايماً اتهرب منه لأنه يجرحني
القصه حصلت في 2002
في شاب إلي هو أنا , بريء , طيب , حبوب .. كنت مع قروب إلي يتكون من لورا و سيدني و مارك
لورا بيست فرند من 2002
سيدني ومارك عيال عمتها
يوم من الأيام سيدني قالت لي أنه أخوها يحبني وفي البدايه قلت لها أنا مش مثلي (( وقتها أنا ما أعرف إذا كنت مثلي أو لا ))
كنت رافض الفكره وايد
كنا نطلع دوم ويا بعض للمكان المفضل إلي هو شاطىء جميرا
والله لـين يومكم أذكر نظرته لي وأنا احس فيها وأطنشه
كان عندي شي من الصراع النفسي يعني أسوي وياه علاقه أو لا
مع الوقت بديت اتعلق فيه بس ما بينت , وبديت أحس بالحب بس ما قلتله طبعا ً لأني ما أعرف يس أو نوو بعدها الصراع النفسي
أيامنا كانت مشابهه وطلعاتنا بعد , مره كلمتني سيدني تقولي لين متى بتعذب أخوي؟؟
خلاص إذا ما تقدر تكون وياه لا تم تعذبه
بعدها فكرت واتخذت قرار إني أباه لأني ما كنت أتخيل حياتي بدونه
كانت أول علاقه وكنت وايد متردد من أي شي يديد
تبون تضحكون , تخيلوا أنه ما صار بينا أي قبلات إلا بعد شهرين من العلاقه هيهيهيهيهيهي
كان كل همه يكون وياي + هو كان ما يطلب شي وأنا ما أقول له شي .. >< لا تلوموني كنت ياهل
بس مثل هذا الانسان مافي , تطورت علاقتنا ومرت الأيام
والله إني أبتسم لما أذكر الأيام الحلوه إلي كنا ويا بعض فيها
مافي مره أختلفنا ولا تضاربنا , تعرفون ليش ؟ لأنك لو بتحب من الخاطر عمرك ما بتخلي شي يجرح حبيبك أو يأذيه لانك ما بتقدر تتحمل تشوفه يتألم
إلا مره اختلفنا , وسالفه في واحد في مدرسته قاله أنك وايد مستانس على بوي فرند , قاله أنت ما تستاهله وأنا باخذه عنك , كان شبه تحدي + غيره
أنا كنت خبر كان , مارك قالي لا تكلم فلان @@ قلتله ليش قالي بس
قلتله ما يحقلك تتكلم وتقول أكلم من ولا لا هاي حياتي
وقلت له كنا نمشي وعصب مني وبدا يسكت وما كلمني
5 دقايق بعد السكوت كلمني قالي شو إلي صار , أذكر وقتها قلتله ليش ما قلتلي من البدايه , أنا ما يهمني أحد في الدنيا كثر ما تهمني وما بخلي ((جيرك)) يخرب بينا وأذكر إني عطيته بوسه و وأهديه (( فديت هاذيج الأيام ))
وهاي علاقتي الحلوه , إلي عسل بعسل
مره يسألني يقولي تتوقع بينا يوم نفترق ؟؟
قلتله أنا ما اعرف أنا من ناحيتي ما بخلي شي يفرقنا .. وقالي أنا بعد
قلتله خلاص مافي شي بيفرقنا
قالي لا في شي يقدر يفرقنا , هو الموت
اذكر اني تضايقت وقتها لاني عمري ما فكرت بهالشي بس بنفس الوقت كنت فرحان ومتطمن
2004-13-02 قبل عيد الحب بيوم
كان ما يرد على مكالماتي
كنت احاتي وايد
قلت اكيد بيزي عشان هو وعدني بأحلى عيد حب :)
المستغرب منه أنه ما اتصل وانا ناطر ؟
حاولت أتصل عليه , بعدها ردت علي أخته
هذا البارت اكره اتكلم عنه :( بس بتكتبه لكم
BBQقالت لي أمس كان يجهز لك
لك وله على البحر وكان مستعيل
الإشاره كانت خضرا بس مافي سيارات , عبر الشارع وكان في واحد مسرع وصار الحادث
قفدت أعز انسان لي (( عيوني بدت تدمع وأنا أكتب لكم الحين ))
كان أصعب خبر سمعته وصدمه
صارت الذكريات مزدحمه في مخي .. وأذكر كلمته
يمكن كان حاس بالموت لأنه يقولي إذا مات تأكد إني أحبك حب ما تقدر تتخيله ولا أقدر اوصله لك
كان بعد يقولي إذا مات , لا تتم متعلق بذكرياتي .. كمل حياتك
يمكن أنا عمري عمري ما بنساه .. ولا حبيت شخص كثره
لو تمر السنين ما تنمحي صورته عن بالي ,
تدرون ماي أكس المتخلف كان يقولي لا تحتفظ بذكرياتك منه @@ ولا اتيب اسمه
كان العذر يغار , هاه , يغار من انسان توفى
+ ما كنت مقصر معاه بشي أبدا
حبيت اشاركم قصتي بأحلى علاقه وأقولكم مافي أحلى من الحب الحقيقي , أنا يقهرني إلي يتصرف بغباء ويقول أبا أشوفه يغار أشك فيه بدون ما يكون في سبب , أنا أكره الناس الأنانيه إلي يفكرون بمشاعرهم بدون ما يفكرون بالطرف الثاني ويقولي أنا أحب , عمرك ما بتعيش الحب إذا ما كنت تحسبالإنسان , بالبوي فرند .
